ESPECTÁCULOS

SAAABOR!


ALQUIMIA

Durante milleiros de anos, os alquimistas, nómades con grandes coñecementos, viaxaron cos seus laboratorios ambulantes por todos os lugares do mundo cun obxectivo concreto: atopar a Pedra Filosofal.

Os alquimistas crían  que a  pedra filosofal podería concederlles tanto a vida eterna como a riqueza,  cando conseguían estes logros coñecíase como “A Grande Obra”. Nesta nova aventura, o mago Teto busca a pedra filosofal para conseguir a felicidade!! A felicidade do público e a do propio mago e así lograr  a súa “Grande Obra”. O seu debut tivo lugar o Día das Letras Galegas de 1992. Nese 17 de maio subía ao escenario do seu instituto de Viana do Bolo para sorprender ós seus compañeiros. Catro anos despois, chegaría o despegue profesional co espectáculo A maxia dos soños. Desde a estrea do seu primeiro espectáculo en 1996 con tan só 19 anos, o Mago Teto converteuse nun dos ilusionistas máis veteranos e relevantes en Galicia. Habitual na televisión desde os seus comezos, goza dun gran recoñecemento por parte do público.


CÓDIGO

Código, Dani García


O AFIADOR

Un espectáculo que xira ao redor dunha roda de afiar dos anos trinta herdada polo mago Teto dos seus ancestros. O afiador, un oficio que tivo o seu apoxeo nos séculos XVIII e XIX -e practicamente extinguido no século XX- desprazábase centos ou milleiros de quilómetros por uns meses -mesmo anos- coa única compaña da súa roda.

Miles de historias e aventuras doutros tempos chegan á escena coa axuda do ilusionismo. Para os efectos de maxia deste espectáculo empréganse elementos típicos dos afiadores como poden ser coitelos, tesoiras, navallas e paraugas.

Un show que pode representarse tanto en interior coma en exterior. Esta última versión vai acompañada dun pasarrúas no cal o ilusionista fai xogos de maxia de cerca aos viandantes. O espectáculo adáptase moi ben para feiras e eventos en exterior, xa que todo vai “auto-contido” na tarazana (nome que recibe a roda en barallete) que porta o ilusionista.

 


25 ANOS DE TOLEMAXIAS

25 años de Tolemaxias, Mago Teto

Despois de máis de cinco anos xogando con outras artes escénicas nos seus espectáculos, como a música en directo, o teatro, a danza… na “Maxia da Santa Compaña” , “O Afiador”, “Íntimo” ou “Alquimia”, o Mago Teto retorna á esencia do ilusionismo en estado puro.
Un espectáculo cheo de efectos novidosos tocando todas as disciplinas da maxia (dende efectos de maxia de cerca ata grandes ilusións, pasando polo mentalismo, a manipulación…) sempre acompañados de situacións absurdas e surrealistas cun toque canalla. Esta menestra ten como obxectivo final a realización dun espectáculo entretido, divertido, estético, emotivo e, sobretodo, cheo de ilusión e de ilusións.
Desde a estrea do seu primeiro espectáculo en 1996 con tan só 19 anos, o Mago Teto converteuse nun dos ilusionistas máis veteranos e relevantes en Galicia. Habitual na televisión desde os seus comezos, goza dun gran recoñecemento por parte do público.
No seu repertorio combínanse así espectáculos reducidos con outros de gran formato, outorgándolles aos seus trucos un amplo abano de posibilidades.

FANTASÍA DOS SENTIDOS

Fani Triana, Fantasía dos sentidos

Unha viaxe fabulosa a través dos sentidos.

Ilusións con cordas, cadeiras, xornais, líquidos, mentalismo, participación do público, humor e moito máis.

Aderezado todo cun guión cargado de situacións inesperadas, orixínase unha montaña de sorpresas imprevisibles.

Un espectáculo para ollar e degustar. Se queres experimentar sensacións fascinantes, pódelo facer nos minutos de “Fantasía dos Sentidos”.