OS CONCELLOS

BAÑOS DE MOLGAS

Somos un concello turístico e dende hai máis de cen anos, coñécennos polas propiedades termais das nosas fontes, situadas na ribeira do río Arnoia, na localidade que dá nome ao municipio. Podémolas gozar no propio Balneario e na fonte da Burga, a carón da Ponte Vella.

Baños de Molgas ten unha das xoias da arquitectura relixiosa prerrománica na Península Ibérica: A Capela de Santa Eufemia de Ambía do século IX (parroquia de Santo Estevo de Ambía). Catalogada como Monumento Histórico Artístico dende 1931, e na actualidade tamén catalogada coma monumento BIC (Ben de Interese Cultural).


A RÚA

A Rúa é un Concello situado no fermoso val de Valdeorras, que serve de porta natural de entrada a Galicia. O Sil, testigo da nosa historia ao longo dos anos, bordea todo o val deixando, ao seu paso, espazos naturais coma a Reza ou o Aguillón, referentes dos veciños e veciñas da Rúa, así como das persoas que nos visitan, onde gozar do seu tempo libre ou levar a cabo a súa actividade deportiva preferida.


BARBADÁS

O Concello de Barbadás atópase no Centro-Oeste da provincia de Ourense. Enclavado na cunca do río Miño, limita polo este cá capital, Ourense,e ten unha extensión de 30,24 km2. De relevo pouco accidentado ubica o seu pico máis alto no sudeste, alto do Castro de 635 m.

Está bañado polos ríos como o Miño e o dos Muíños, e regatos como os de Moras e san Bieito. Barbadás conta con atractivos turísticos e patrimonio cultural. Resalta pola súa riqueza natural e dispón de varias rutas de sendeirismo e BTT.


ALLARIZ

Allariz é un dos conxuntos urbanos máis interesantes de Galicia. Mereceu, en 1971, a declaración de Conxunto Histórico Artístico. Allariz é historia e tradición, modernidade e futuro.

O paseo pola vila e as paisaxes asombrosas do río Arnoia mergúllante nun espazo cunha fonda personalidade. E a súa monumentalidade reponde á importancia da súa memoria.

  


VIANA DO BOLO

Viana do Bolo, unha vila do oriente ourensán situada nun promontorio e rodeada polo encoro do Bao. Ofrece unha paisaxe única na que gozar da súa beleza e realizar numerosas actividades deportivas ao aire libre. Así mesmo podemos gozar do seu patrimonio histórico, como a praza maior e un fermoso casco antigo,  e un patrimonio cultural moi importante no que destaca o entroido.

A vida transcorre hoxe en torno a Praza Maior, onde atopamos o Pilón, monumento erixido para conmemorar o alzamento liberal de octubre de 1830.


VERÍN

Se viaxas en busca de autenticidade, para relaxarte, sumerxirte na natureza, adentrarte na historia e coñecer rincóns con encanto, ven a Verín, a menos de 20 minutos de Chaves se convirte en unha cidade en dous países unidos por un pasado común, cun incríble patrimonio por testemuña, goza do norte de España e de Portugal, nunha única viaxe e vive 24 horas de descanso e diversión.